Content

Mae Remploy, Bwrdd Iechyd Prifysgol Abertawe Bro Morgannwg ac Asiantaeth Genedlaethol Arwain ac Arloesi mewn Gofal Iechyd yn cydweithio ar y prosiect Lles drwy Waith i ddarparu gwasanaeth ymyrraeth gynnar a luniwyd i wella iechyd a lles pobl o oed gwaith.

Gwnaethpwyd y prosiect yn bosibl gan Gronfa Gymdeithasol Cydgyfeirio Ewropeaidd yr Undeb Ewropeaidd drwy Lywodraeth Cymru.
Nod Lles drwy Waith yw darparu ystod o ymyraethau sy’n cynyddu’r cymorth sydd ar gael i unigolion, cyflogwyr a gweithwyr gofal iechyd proffesiynol, gan helpu pobl sydd mewn perygl o golli eu swydd i barhau mewn gwaith. 

Mae gan y prosiect ddau brif faes gweithgaredd:

• Cefnogi unigolion i aros mewn gwaith
• Gwella gwaith a gweithleoedd

Pam mae Lles drwy Waith yn bwysig?
 
Yn 2006, collwyd tua 175 miliwn o ddiwrnodau gwaith o achos salwch. Mae hyn yn cyfateb i saith diwrnod ar gyfer pob unigolyn sy’n gweithio. Daeth yr adroddiad ‘Ydy gwaith yn dda ar gyfer eich iechyd a’ch lles?’ i'r casgliad bod gwaith yn dda i iechyd a lles corfforol a meddyliol unigolyn.

Dangosodd y dylai gwaith fod yn ‘waith da’ sy’n ddiogel, yn iach ac yn darparu ychydig o reolaeth i’r unigolyn dros y ffordd y gwneir gwaith, gan roi ymdeimlad o hunanwerth. Ar y cyfan, roedd yn dangos bod gweithio yn well i unigolyn nag effeithiau absenoldeb salwch.

Darllenwch am y sefydliadau sydd ynghlwm â rheoli’r prosiect isod:

www.remploy.co.uk
www.abm.wales.nhs.uk/
www.nliah.wales.nhs.uk